Бобан Стојчевски - Дебели Гикови Подкаст | С02Е15

Дебелите Гикови официјално во студио донесоа една личност којашто е целосно во нивниот калибар, и во големина и во гиковина! „Гиковина“ тоа е добар збор, можеби треба да се запише и во речник.

Дебели Гикови на гости оваа епизода го имаа „Бобан Стојчевски - Бобо“ човекот којшто го познаваат луѓето од сите кругови во Македонија и во светот. Еден од креаторите на првиот македонски видео подкаст, првиот подкаст за гејминг во Македонија, еден од првите гејминг новинари во тогашниот мега-популарен “ЕНТЕР“, и ко-основач на Македонското независно студио за видеоигри “Фјуриус Авокадо“.

Бобо е човек со којшто можеш да разговараш на секакви теми, но најмногу на теми поврзани со гејминг, храна, ретроспектива и многу повеќе. Во оваа епизода можете да дознаете многу работи за Бобо кои што до сега не сте ги знаеле, но дефинитивно ќе ви разбуди голем број на спомени.

Зборувавме за што значи да се има Nintendo GameBoy во Македонија пред 30 години, колку саати играње се потрошени во студиото на DJ Гоце САФ, убавината на видеоигрите, гејминг културата во Македонија, нормално се зборуваше и за ГГ.МК...

Уживајте во Дебели Гикови

Секоја недeла нова епизода на YouTube Каналот на Радио МОФ и Дебели Гикови

И нормално најголема благодарност на Радио МОФ за неизмерната подршка којашто ни ја нудат!